大隻鴿乸隨街跳？

同事們談論新聞紙報道有婦孺被騙百萬，於是引申發表到自己在街頭被讚「適合做model」、「適合做明星」的經驗。同事A同S話自己試過真係跟那些人上office傾，好彩最後都可以全身而退。
小妹比較有自知之明，可從來沒有相信過那些騙徒的鬼話。不過話說回來，我卻試過被朋友介紹上傳銷公司。
應該是唸大學一、二年左右的陳年往事吧。那位舊同學唸的是HKU，我則唸CU，平日也有談談電話，但卻很少見面。有次他忽然說有事想約我出去，但問他甚麼事卻又欲言又止。
但見大家一場朋友，於是便去看看有甚麼事可以幫忙。
誰知，原來他只是想帶我上去他新加入了的傳銷公司「聽故仔」。
他是新人，洗腦、游說的工作自然是他的senior做。但見在場足有十枱八枱貴客正在被洗腦，倒也熱鬧。
那位senior開始講講講，然後又飛快地計些似是而非的數給我看，公司貨品的catalog自然少不了，名錶就一定係當中的「必sell item」啦……
好喇，終於捱到佢講完，佢就笑住問我：「有冇問題呀？」
我伸左個懶腰，推開佢用來計數張紙，問左一句：「咁好賺，做乜你要同我分？我俾幾千蚊你就可以攞番十幾廿萬，咁你做乜自己唔賺埋佢？」
那位senior又開始講講講，然後又飛快地計些似是而非的數給我看……
我都係0個句：「咁好賺，做乜你唔賺哂佢？」
然後該senior又講、又計數……
聽到悶，我開始唔耐煩，同佢講：「你呢條數好多assumptions，又冇計番present value，其實唔準確。」
佢呆左一呆，我話我讀business 0既，避重就輕，我都好擅長。
幸好呢個senior尚算醒目，明白到我一個客走左，唔好累到佢其他鴨仔。
於是我就咁全身而退，食飯去也。
至於我呢個舊同學有冇賺錢，有冇用幾萬蚊換左張磁力床褥，定還是連床褥都換唔到呢？
以後他沒提及，我亦沒興趣深究。
反而有段小插曲頗好笑，就是那次之後不久，那位舊同學的一個同系同學找我(也是我的舊同學)，說是前者介紹了他加入傳銷行列，問我有沒有興趣加入……
掛上電話之後不禁納悶：難道我在所有ex的心目中都是個笨頭笨腦的無知婦孺？！
真是$#^%&$(^%@#！