十年未影過相乎？

昨晚跟十多位中學同學一起出席Y的婚宴。由於要苦等家庭負擔甚重的N小姐，所以竟然食言遲到了(我應承過新郎哥會「早到」，N，「早到」呀下！)。
Anyway，總之未能跟大家一起上台和一對新人大合照，還被逼坐在一個分毫難動的座位上，還好，同檯還有些很少見面的舊同學，可以趁機聚舊。
酒過三巡，見食物已吃得七七八八，我和N開始出動跟各位同學影相。誰知「唔影由自可」，我們才拍了一、兩張相，大家開始紛紛拿出相機，或開始見相機便「攝位」，兩圍檯廿多人鬧哄哄的，附近的通道給我們擠得水洩不通。有口痕友更笑言：「都唔知邊個結婚」。我見人便拉著合照，比自己結婚那晚還要忙(因為自己結婚不用情商別人「揸機」)。

我們一直喧鬧到差不多清場還拉著新郎哥的姐姐與妹妹繼續合照。好不容易去到門口「送客區」，大家仍然意猶未盡再跟一對新人來個合照。

此時又有口痕友妙語：「呢班人好似十年冇影過相咁……」
哈哈，又似喎。大家好一段日子沒有聚首一堂嘛，興奮，實在在所難免！

按：圖為大家拍大合照時多番排位均未能全員入鏡的混亂情況……