愛情的偉大

大年初四晚又跟大學同學J、V、CL、O及O的女友糖糖飯聚。
派利是給他們眾人，V瞥見那可愛的麥兜利是封便道：「嘩，好得意喎。邊度送架？」
我正要開口，O已經搶先答道：「乜呀！買㗎！送嗰啲會印左間公司嘅Logo㗎！嗱，你見成個利是封都冇Logo就知係買㗎啦！」
V聞言又道：「唔係呀嘩！買嘅？你封多兩蚊俾我好過啦TLF (我中文全名，不太方便透露)！」
我又正要開口，O卻已經答道：「佢封多兩蚊俾你你摸到硬嘅仲唔媽媽叉叉佢咩……」
哈哈，哈哈，哈哈哈。
行運超人「大大話話」跟O做了七年好友，可真從來未見過此兄台如此維護小妹，好感動呢，呵呵！
糖糖果然偉大，有她在，O變了我們如此不可多得的一個朋友！
不過後來更惹笑，大家吃糖水的時候糖糖去了洗手間，我們五個喧鬧之中O「失驚無神」表情認真地說了一句：「好喇喎，忍咗好耐喇喎，第二次喇下今次，我唔會再忍……」我們四個呆在當場，面面相覷，過了三數秒才明白他說的是在糖糖面前忍住不反駁我們的說話，五個人立時笑得人仰馬翻，糖糖回來我們才又忍住不笑。哈哈，做人男友甚艱難，平時O最多說話，以一敵四。上次他首次攜眷出席，竟然跟V好聲好氣地說了一句「唔該」，嚇得我們半死 (也忍笑忍個半死！)，這次又作出了絕地「咆哮」，看來此人將快憋不住而要故態復萌了，還是趁下次糖糖出席的時候盡情擊潰他為上著。