椿

大學時代去日本，一班朋友仔總會花唔少時間「煲電視」。
不過唔係煲日劇、煲「月九」，而係煲令人愛不釋手的 CM。
日本的 CM 一向好好睇，又有明星，又有創意，拍得又鬼死咁靚，就算聽唔明佢講乜都好鬼鍾意睇。
大學宿舍個「網路上的芳鄰」仲會好多有心人特登 Download 放啲 CM 放上去，惠澤人群。
不過近年冇煲日劇，唔係咁識啲日本明星之餘次次去親日本都忙住 shopping (回酒店後忙收拾戰利品)，所以都冇乜點睇 CM。
今次去別所溫泉區冇咩 shopping，得閒睇下電視，發現今時今日啲日本 CM 原來仲好好睇喎。
睇 Shiseido Tsubaki 個 CM，一大串靚女「揚黎揚去」，好鬼養眼。
一次過請到咁多個當時得令的女星拍 CM，真係好型！
Btw，睇黎睇去，都係仲間由紀惠最靚。