聽一次笑一次

先旨聲明：超人係 Eason 嘅 die-heart 粉絲。
即係好鍾意佢，演唱會願意買飛去聽兩次嗰種。
不過佢首「於心有愧」我真係聽一次笑一次！
隻歌本身冇問題，問題來自超妹。
話說超人第一次聽呢首歌，竟然係某次同超妹二人唱K。
歌係超妹點嘅，開始播，超人唔識唱，於是乖乖坐响度聽……
聽得七、八句，覺得有啲怪，超人開始皺眉。
超人：「乜首歌……」
超妹：「哈哈哈哈，係話 Eason 係萬人迷架，嘩哈哈哈哈……」
超人(滴哂汗)：「我就係見啲歌詞咁怪……」
超妹：「所以你睇佢今次執到幾靚仔！哈哈，如果唔係一啲說服力都冇！哈哈…..」
超人(仍然滴汗中)：「而家都冇說服力啦。」
超妹：「算好架喇！哈哈哈哈…..(呢個衰妹，唔停口嘲笑 Eason)」
超人：「咁又係，反正成個樂壇都樣樣衰衰，都係搵個識唱歌嘅穩陣啲……」
超妹：「咪係囉，嘩哈哈哈哈……」
兩姐妹陷入瘋狂大笑中。
就係咁，以後每次聽到呢首歌都會笑。
一個人行街聽住 mp3 等過馬路都會忍唔住笑，對面馬路嘅人大概以為我痴線！
最衰都係超妹！做乜啫？！Eason 做萬人迷唔似咩？！「富士山下」佢都係情場浪子架啦，不過今次「升呢」之嘛！車！

http://www.youtube.com/watch?v=FTA_tCy6tS8

(Embed 唔到，可能係版權問題，有興趣自己 click 入去睇吓個 MV 啦。)