很不專業的專業旅運

計劃到大阪旅行，在老公的協助下 locate 了心齋橋附近的酒店，然後打算到東瀛遊和專業旅運查詢一下自由行 package 的價錢。
專業旅運單張上 quote 的價錢比東瀛遊便宜一點，我特意問了荔枝角分店的營業員如果 twin bed room 要 upgrade package 包早餐是甚麼價錢，她 quote 的價錢是比東瀛遊包早餐的 package 還低一點的。基於價錢考慮，於是便打算光顧專業旅運。
誰知第二天到了專業旅運的旺角分店準備報名，那位「蛇頭鼠眼」的肥哥哥營業員口中的可是另一回事……
超人：「唔該，我想報名，大阪三天，22號出發，坐國泰住日航 twin bed。」
肥哥哥(非常鬼祟的樣子)：「日航呀？咁耐我只係做過一次日航喳。」
超人：「何解呢？」
肥哥哥：「日航好耐先 confirm 到 booking 㗎。」
超人心諗：超！關我咩事？！已經覺得面前的肥哥哥一點也不專業。
肥哥哥：「三日渣喎，實唔夠玩，會唔會玩耐啲？」
超人又心諗：超！你理得我！
超人：「OK 喇，就大家 schedule。呀，我要包早餐㗎喎。」
肥哥哥：「吓？包早餐？而家啲 package 唔包早餐㗎喎，去日本好少人要早餐，加早餐要加百幾二百蚊㗎喎。」
超人(正在非常克制自己的脾氣)：「我知要加錢，你照加啦。」
肥哥哥：「吓？係一個人一日加百幾喎！」
超人幾乎衝口而出：PK，你理得我！我而家冇錢俾咩？
超人：「係呀……」
肥哥哥拍打 keyboard 一會，報了一個價錢。
超人：「唔係呱，你同事尋日報嘅價錢冇咁貴喎。」
肥哥哥：「係囉，都真係幾貴，我再 check check 有冇計錯…… 嗯…… 真係呢個價喎。」
超人：「你同事 quote $XXXX 渣喎。」
肥哥哥：「哦，佢報呢個可能只係加咗一日早餐，又或者係 semi double 嘅價錢。」
超人：「唔係呱，咁有智慧？我問三日兩夜 twin bed package 如果包早餐要幾多錢佢報包一日早餐 or semi double 房嘅價錢俾我？咁叻？」
肥哥哥見超人「開火」，賠笑著道：「哦，咁個價錢都仲可以減少少嘅，最緊要你 confirm 到機位先。」
超人：「咁都同你單張上個價差好遠喎。」
肥哥哥：「因為呢個係暫時預計嘅價錢，每個月頭都會調整㗎。不過價錢上落少少都仲可以幫你fight到嘅。」
超人心諗：唔係呀fa？你單張上係寫明幾月幾日至幾月幾日出發嘅價錢喎，如果係浮動價錢，每月個都唔同，你寫個日期嚟托呀？報旅行團要講價？你當我係國內自由行同胞「劏得就劏」乎？
結果在極度不滿的情況下離開了專業旅運，決定在東瀛遊購買 package。
行運超人在此敬告各界朋友，專業旅運有欠商業道德，實在非常的不專業，我已經將之blacklist、永不錄用，希望各位光顧前要三思！