人紅樣好

唔到你唔信，人紅，就會好樣咗。
唔計「人紅、整容、好樣咗」嗰一批，單是紅咗已經令唔少人愈來愈順眼。
近來的例子叫黎耀祥。
十幾年前他演罷「娛樂插班生」中的蘿記，當時如果有人讚他「有型、靚仔」，一定俾人「聲」兩把，然後報以恥笑。
但今時今日佢再扮蘿記，嘩，幾神，人人都讚佢多才多藝，網上 forum 仲有九百幾人讚佢演「社長」好 cool、好有型、好靚仔！
真係睇到 O 咀。
超媽話俾超人聽黎耀祥連 MJ 都扮到，好勁。
我同超媽講而家不知幾多人讚祥仔好樣，超媽話「係呀係呀，真係愈睇愈順眼……(下刪一百字)」。
所以啲人成日話：唓，呢個香港娛圈，一味講包裝，唔靚就有實力都冇運行。
實情係：總之紅得嘅個個你都會覺得靚，咁解之嘛。