Yatming

其實，如果觀眾一開始唔知道沙富來並唔係卓一鳴嘅話劇情會唔會仲好啲？
唔知點解，見到沙富來隨時隨地以好感性地以卓一鳴身份講一大堆說話我覺得佢太「神」。
我明白佢係老千，但，一個咁大嘅大話講起上黎要瞻前顧後串連上文下理，佢真係唔可能講到咁人人信服。
雖然編劇近幾集已經好盡力舖排沙富來係一個好聰明嘅人，但在我呢個觀眾看來都係好奇怪。
睇佢次次講到自己身世都眼泛淚光，原本應該好有感染力，但因為一早知佢係講大話，就會覺得佢好卑鄙。
幸而羅嘉良演技真係好唔錯，好多細微嘅感覺佢都表現到。
如果佢個樣唔係咁殘，同靚靚一對相信會令人睇得仲舒服。
馬德鐘唔係唔型，不過一拼埋撈家度，唉，演技確係高下立見。
其實今年台慶，無論係柴九定撈家做視帝我都覺得合理。
不過既然撈家都贏過三次，俾柴九贏仲開心啲啦。