中年人的談情說愛

呢期留意到有唔少人熱話公仔箱中兩段中年人的感情糾葛。
第一段叫 “Huddy”， “House MD” 中的男女主角 Dr House 及 Dr Cuddy。
第二段叫「汝賞昇」，「畢打自己人」中的閆汝大、殷賞和余家昇。
先談 Huddy。House MD 踏入第六季，延續第五季足足玩咗一季都冇咩進展的 「Huddy 之戀」。
不過今集由二人拉扯進化成四角關係，House 與 Cuddy 各有愛人，Huddy 依舊「這麼近那麼遠」。
Huddy shipper 千辛萬苦等待到頭來一開季 Cuddy 便戀上 Lucas，個個對 Cuddy 喊打喊殺。
其實如果站在 Cuddy 的角度去看，戀上 Lucas 有何不可？
Cuddy 跟 House 或許很 close，但 House 倒也從來沒有表示過愛意。
Cuddy 試過行前，House 偏偏退後，到 Cuddy 撤退，House 又不願放手。
大佬，咁即係點？
我相信其實連 House 自己都唔係好知道係咪鍾意 Cuddy。
咁大家點解要逼 Cuddy 守株待兔等 House 先得架？
觀眾追左咁耐自然知道 House 好緊張 Cuddy，唔係都唔會有 hallucination。
但係 Cuddy 真係唔知喎！就算知，咁又點？次次 confront House 佢都講咗去第二度，永遠唔肯正面面對自己對 Cuddy 嘅感覺。
大家可能覺得 Lucas 「區區私家偵探」點可以同男主角「醫神」 House 比，但係超人又唔係好認同。
Lucas 其實幾有情趣，佢鍾意 Cuddy 就會讚 Cuddy、逗她開心，但 House 鍾意 Cuddy 只係識得整蠱佢、激佢，咁嘅「愛情」起初可能幾 challenging，但日子一耐就會淪為 annoying。
拍拖啫，冇人想終日勞心勞力。
而且如果 Cuddy 唔同其他人一齊，乜都爭餐死的 Jerk House 又唔會「的起心肝」要搶 Cuddy 番黎。
所以今季 Huddy 變 Luddy，其實我呢個 Huddy shipper 又真係接受到。
對於好多 fellows 變成唔鍾意 Cuddy，我覺得大家太偏心 House 喇。
或者，House 真係經過太多苦難，所以大家都心疼佢。
但 Cuddy 為自己爭取幸福大家都唔能夠苛責嘛。
跟住就講下「汝賞昇」。
首先，我要澄清一下我亦唔係覺得佢地唔好睇，超人深信最大問題只係超人唔係從一開始就睇啫。
因為中年人感情戲就同中年人嘅感情一樣要「慢慢煲」。
如果好似超人咁一百幾十集先 jump 入黎睇一集半集，冇哂前文後理，咁當然睇得唔夠投入。
正如當年我到最後幾集先睇「男親女愛」，一睇到子華同Do姐談情已經暈低咗，但之後 download 番由第一集開始睇，就會覺得成個故事 smooth 好多。
我相信「汝賞昇」都係一樣。
就咁睇，我又真係唔係好明佢地為咩咁拉鋸。
賞賞同大哥分開咗九百幾年，如果賞賞對大哥已經冇感覺，根本唔駛在乎佢點諗。
當年仲係大哥不辭而別，留低賞賞一個，單係呢一宗罪大哥都可以「永不錄用」啦。
而賞賞亦都應該清楚明白自己係鍾意社長(汝賞 fans 唔好介意，唔信你可以睇下賞賞同社長講嘢有幾嬌嗲)，而唔係前夫閆汝大。
如果社長真係咁 pro 執行所謂嘅任務就唔會動真感情啦，既然都動咗真情咁仲為咩要拉拉扯扯呢。
佢即便係卧底要拉人封舖，只要目標唔係賞賞，點解唔可以一齊？
當年佢同 Doris 唔同喎，佢要拉嘅係未來岳父 Doris 爸爸，佢今日就算要對付閆器都唔關賞賞事啦。
拉鋸咁耐，三方都忐忑，何苦呢？