女超人

有咩比入一球更加開心？當然就係入兩球！
Sorry，準確 d 黎講係一次過入兩球。
再準確 d 黎講係兩年之內入三球。
講緊咩？
梗係我偶像 Issabella 啦。
一索得男已經好型，轉個頭又陀仔，仲要係孖仔！
嘩哈哈...真係史上無敵女超人。
我覺得李超人真係要俾佢入門，佢 22 歲咋老爺，已經生到三件啫啫仔，我覺得佢大把潛力囉！
某程度上黎講，你地兩翁媳都係超人，好門當戶對！
李家富甲天下咩都有，係人丁單薄 d，娶 Issabella 啱哂。
李家控制哂香港命脈，超人添孖孫簡直係全香港嘅事。他日 Issabella 嫁入李家，電視台好應該好似當年查理斯娶戴安娜咁現場直播囉！
最好當日係公眾假期添啦，與眾同樂，諗起都開心，yeah~