都係Fair D好

家人問起工作狀況，還是簡單的答了一句「ok」。
嗯，好難講話辛苦唔辛苦，番工嘛，日日番總會令人有厭煩的感覺。
咁講啦，比起上兩份工，呢份ok好多。
至少我做好本份，唔需要照顧埋我上級下級他們的份內事。我D上司位位有經驗有頭腦，自然唔駛我操心。至於一班support的同事，個個都做左政府N咁多年，位位都升到頂薪點，人工高過我多多聲，經驗老到，難聽講句真係個個都「成哂精」，完全唔駛我擔心照顧佢地。
相比上份工，成個department都「唔係果皮」，上上下下乜X崗位都要我幫手頂住，雖然唔至於我一個人頂哂，但責任已經好重，點頂呀？你俾四份人工我咩？
我一向自信，如果只係跟同grade的同事比，我做野一定唔會輸蝕。問題係我做得到、甚或做得好，你都唔可以「質」多D俾我做架嘛，咁我做得好咪反而被penalized？呢樣野我真係好堅持，上兩次resign的時候兩位老闆跟我講耶穌講到天花龍鳳我都毫不動搖。
而家咁幾好，我做好我本份，大家做好大家的本份，人人有工做、日日早收工。
搵食0者，都係fair D好。