「野蠻人居酒屋」劣評

去年年尾光顧了跑馬地的「野蠻人居酒屋」，覺得水準極差，於是打算將意見post在「開飯喇！(Open Rice)」好讓其他食客參考。
怎料post了三次，意見還是被網頁管理人「扣留」著，post不到。
唯有在這裡發表意見，不至眼巴巴看著各方好友中伏。

* * * * * *

12月23日屋企人生日，諗住趁港龍card十倍積分優惠完結前入跑馬地試一試「野蠻人居酒屋」。本來跑馬地唔就腳屋企人想去landmark「賀菊」就算，但見未試過，於是都係book左野蠻人。
嘩！點知！勁後悔！十二萬個後悔！
入到去環境狹隘，都算，咁我都唔expect居酒屋方圓千呎，落完order個waiter先話部電腦down左，一定要俾現金。我即刻火都黎埋，唔係呀fa？﹗我地book檯打過電話黎一次，confirm table又打一次，之後postpone booking又打多一次，三次都冇人同我地提及過冇得簽card喎！
我之前遇過同樣情況，但另一間食肆係自動自覺早五個鐘頭打俾我通知我card機壞左、搶修緊，提醒我帶備現金！咁我微言佢地唔預先講啦，該waiter竟然毫無唔好意思無道歉淨係不停repeat一句「個電腦壞左」。
好，都忍佢，因為有人生日，我屋企人合力㩒住我唔俾我發瀾渣。
轉頭個PK加茶之時竟然同我地講「我隻手唔夠長」，然後一碌木咁企左0係我地張檯隔離，等我遞杯茶出黎……嘩，真係xyz呀﹗佢冇病呀嘛？我地0個張係超細四人方檯渣喎，我隻杯唔係放左0係八樓，咩叫你隻手唔夠長呀？你四肢萎縮架？佢仲要係生得頗高大架喎！做waiter四人方檯都話唔夠手長加茶，你返鄉下踎低執牛屎啦！痴X線！之後我啋佢有味，怒睥佢佢咪又夠手長！
今時今日咁差0既服務態度都真係絕無僅有，仲要間食店D野食唔impressive，燒冬菇又乾又凍、淨係燒羊扒同牛舌好少少，但都同以前「白瀧」差十九幾萬丈遠。
食完埋單千幾蚊，我見到佢個宣傳牌於是又問有SCB card係咪有9折。再一次xyz，該PK又係一句「個電腦壞左」，我忍唔住準備企起身「片」佢，櫃檯一個高級D的女仔同另一個男人即刻答嘴話係9折，然後教個PK問個客show一show張咭做番discount就得……好心啦，無heart無common sense無禮貌就唔好學人出黎做服務業，邊間食店請著佢真係倒米，就算D野幾好食，我都唔會再去，而且一定唱衰佢。
奉勸各位千祈唔好去，見到個PK你都食唔落，駛錢唔緊要，諗到駛左D錢會出糧俾佢，打死都唔制！