霸王洗髮水

其實從第一次見到霸王嘅廣告超人已經想寫篇 BLOG 品評一下，奈何次次睇完又冇件事。
樓下寫開 TSUBAKI，如果唔寫番篇講講中國洗髮水嘅名牌，未免太過媚外，政治不正確。
何況早排驚見報紙報道超人「永遠的偶像」(啋，唔係海俊傑！) 王菲竟然久休出山接拍霸王洗髮水廣告，真係 O 咀 O 咀再 O 咀，唔攞呢個中國第一品牌做 TALKING POINT 點對得住亞菲。
霸王其實以老闆個貓樣作為招嘜都已經好鬼招搖，仲要大家留意喎，佢唔係名星，完全冇明星效應不特止，仲要係自己禿頭而作為洗髮用品 LOGO！
真係不得不佩服佢嘅膽識同勇氣！
之後搵咗一日到黑做錯嘢、講錯嘢嘅成龍大哥做代言人，拍咗個奇特奇怪兼奇異的廣告，咩「我用完是這樣子，你用完也是這樣子(然後 FING 頭)」，真係笑到超人瓜柴。
都算喇，反正大哥拍廣告就係咁 HARD SELL。
呢排柴九時段見到霸王又有廣告，叫做正常啲，有個長髮女仔見吓。
但係睇落又係 O 咀！
中間個女仔「揚」佢啲「烏黑濃密」長髮嘅時候竟然清楚見到有碌白色棍！！
即係咁，其實以超人所知古今中外拍洗髮用品 CM 用棍的確係慣用方法，不過我又真未見過有 CM 唔落 CG 整走碌棍就出街囉！
成龍大哥話唔要特技呃人啫，咁整走碌棍唔算係呃人呀 FA？
真係搲哂頭！