叱吒

每年元旦睇叱吒都係指定動作。
雖然近年啲歌手唔掂當，叱吒已經冇咁好睇，但話哂係傳統，而且有時睇吓啲DJ 點搞笑都幾過癮。
今年無線預留咗三個幾鐘頭播叱吒，不過因為同四大唱片公司(環球、Sony、華納、EMI) 爭拗版權費，四大旗下歌手所有歌都唔播得，成個叱吒 Show 無聊過無聊。除咗英皇同 TBB 自己人外全部歌手出場都 Cut 到支離破碎，Eason 係叱吒大贏家但一句歌都冇得播，成晚睇住班 non-四大歌手接受訪問，揼波鐘揼到拜埋早年！
唉，今年 TBB 自己個頒獎禮鐵定係「零 hit 歌」嘅古 Sir 做大贏家，真係睇黎都嘥氣！