Big 4人的命運

老公這兩天病倒了。一個人在國內，病，實在很可憐。
他發病初期的病徵是胃痛，痛得很厲害，痛到要立時回酒店休息，接著更發起燒來。
差不多同一時候，一個好朋友無故嘔吐，也是病倒了。
還有另一個好友去年不知何故脖子忽然劇痛，進出醫院不知多少次之後，早幾天跟他通電話，他說現在好像還沒有痊癒。
當然，從前還見過不少舊同事「爆瘡」、「暴肥」、黑眼圈勁過「L」等情況。
我常說，打Big 4工，真的要銅皮鐵骨才行。人，是遲早待不下去的。跟我同屆的大學同學今年很多都已升M，從前自己係小小小staff，覺得M好勁、好「大粒」，要lead住下面一班staff，又要應付好多clients。
而家我都仲係覺得M好勁，不過係勁捱得、勁勇敢、勁「視死如歸」。
大家成日叫我回歸Big 4懷抱(咁當然係講笑)，我真係啋過你。
但願身邊所有Big 4人安好，阿門。

大隻鴿乸隨街跳？

同事們談論新聞紙報道有婦孺被騙百萬，於是引申發表到自己在街頭被讚「適合做model」、「適合做明星」的經驗。同事A同S話自己試過真係跟那些人上office傾，好彩最後都可以全身而退。
小妹比較有自知之明，可從來沒有相信過那些騙徒的鬼話。不過話說回來，我卻試過被朋友介紹上傳銷公司。
應該是唸大學一、二年左右的陳年往事吧。那位舊同學唸的是HKU，我則唸CU，平日也有談談電話，但卻很少見面。有次他忽然說有事想約我出去，但問他甚麼事卻又欲言又止。
但見大家一場朋友，於是便去看看有甚麼事可以幫忙。
誰知，原來他只是想帶我上去他新加入了的傳銷公司「聽故仔」。
他是新人，洗腦、游說的工作自然是他的senior做。但見在場足有十枱八枱貴客正在被洗腦，倒也熱鬧。
那位senior開始講講講，然後又飛快地計些似是而非的數給我看，公司貨品的catalog自然少不了，名錶就一定係當中的「必sell item」啦……
好喇，終於捱到佢講完，佢就笑住問我：「有冇問題呀？」
我伸左個懶腰，推開佢用來計數張紙，問左一句：「咁好賺，做乜你要同我分？我俾幾千蚊你就可以攞番十幾廿萬，咁你做乜自己唔賺埋佢？」
那位senior又開始講講講，然後又飛快地計些似是而非的數給我看……
我都係0個句：「咁好賺，做乜你唔賺哂佢？」
然後該senior又講、又計數……
聽到悶，我開始唔耐煩，同佢講：「你呢條數好多assumptions，又冇計番present value，其實唔準確。」
佢呆左一呆，我話我讀business 0既，避重就輕，我都好擅長。
幸好呢個senior尚算醒目，明白到我一個客走左，唔好累到佢其他鴨仔。
於是我就咁全身而退，食飯去也。
至於我呢個舊同學有冇賺錢，有冇用幾萬蚊換左張磁力床褥，定還是連床褥都換唔到呢？
以後他沒提及，我亦沒興趣深究。
反而有段小插曲頗好笑，就是那次之後不久，那位舊同學的一個同系同學找我(也是我的舊同學)，說是前者介紹了他加入傳銷行列，問我有沒有興趣加入……
掛上電話之後不禁納悶：難道我在所有ex的心目中都是個笨頭笨腦的無知婦孺？！
真是$#^%&$(^%@#！

辦公室笑料一則

話說有旅行社登報宣傳話會offer discount給公務員參加日本仙台團。CSB知道當然提醒各部門小心處理啦。於是Personnel便出email俾全人類remind大家唔好亂accept advantages。誰知好多同事見到個email都對旅行社offer好有興趣，打電話俾Personnel同事問「仙遊」詳情甚至想立即報名(「仙遊」者，仙台遊是也，同事說的)，Personnel收到好多查詢電話，聽到負責同事不停咁話「我唔知詳情架，你打番去旅行社問啦…下？旅行社電話？我唔知喎，你打1083問啦！」好惹笑囉。

華燈閃閃…

上星期在家吃飯，看到「翔龍灣」的廣告，音樂前奏之後竟然有把類似方伊琪的聲音在唱「華燈閃閃」甚麼的！我跟妹妹呆了半响，才懂得「爆笑」。沒聽錯，那可真的是中文歌！看著那位環球小姐在鏡頭前笑盈盈地搖曳著，卻配襯著那首歌，歌的末段還要巴巴的將「Grand Waterfront」篏入歌詞中……唉，sorry，真的不可能不教普羅觀眾如我們笑到人仰馬翻。我和妹妹拼命思索，肯定前陣子同一個樓盤的廣告並不這麼「震撼」，簡直震撼得要了觀眾的命。

咁遲先黎寫blog??

見到我呢個blog，相信又有唔少朋友質疑我咁後知後覺，而家先學人寫blog。
咁又係，而家先寫，好似真係好遲，其實我都開過好多個blog架，不過個個最後都不了了之，雙子座做事冇耐性、三分鐘熱度，我都唔想。
希望大家唔好潑冷水，俾少少支持啦。