新聞透視 - 下流．上游

講得好好，新世代應該睇吓。

大整蠱

拿，即係咁，無記能夠狠到頒「亞太區最受歡迎香港男歌手」俾林峯，我 buy！
當然我唔可能認為林峯實至名歸，但無記能夠造馬造到如此地步，預咗林峯萬箭穿心都推佢上台，觀眾 O 哂咀但係又吹佢地唔脹，無線呢份「gut 屎」、呢份狂妄，超人真係好 impressed！
對林峯黎講，頒個咁嘅獎俾佢，仲要求佢上台好感動喊哂咁，絕對係演技大考驗。
咁大整蠱都萬死不辭，佢真係 deserve 年年做視帝大熱。
林峯， 2010 如果你再要同夏雨、黎耀祥呢個 level 嘅演員爭視帝，超人答應不再定性你為「越級挑戰」，就算你贏埋，超人都心服口服。
無記搞壇咁嘅賽果，大整蠱林峯之餘亦大整蠱古巨基。
古巨基化身古 Sir 為無記仆心仆命，估唔到喺全無對手嘅情況下都贏唔到雙奬。
「亞太區最受歡迎香港男歌手」話唔俾你就唔俾你，寧願掉落屎坑都唔俾你，吹咩？！無記嗰份玩弄他人於掌心之中嘅狂妄，又一次得到完美演繹。
唉，就算「亞太區」真係指「亞皆老街至太子道西一區」，林峯贏都太令人笑破肚皮。
唔知賽前有冇開盤賭邊個贏，有嘅話，莊家一定贏錢贏到 short 咗。
「峯從哪裡來」嗰個林峯喎……wahahahaha……