灰...

其實，當佢上場救到呢球波，我真係覺得今屆美網冠軍係佢囊中物。
點知...唉...足足令我「冇心雞」咗幾日...灰...

十八相送

好耐冇聽呢首歌。
雖然相送咗「十八」已經好多年，聽番，仲係覺得好好聽。

來年你共我或者長得太高
毋忘細望這絕版的海報......

引號

有時看到一些引號的用法，不得不噴飯。
超人對標點符號的掌握不算很好，但也略知一二。
請問，上網送 "「電影」門票" 是甚麼意思？
那些門票號稱是「電影」門票，但一看原來是「電視」門票乎？
跟好友 L 有一個經典笑話。
話說 L 喜歡張信哲，很多年前有一天到她家中作客，她拿個甚麼海報或宣傳單出來，一看：情歌王子「張信哲」...
二人笑得彎腰，原來「張信哲」是稱號、是假名，那倒可能「情歌王子」才是真名了。
如果想 highlight 一些字詞以吸引讀者注目，用粗體便可以，不能亂用引號。
用了引號讀者便會自然地以為引號的內容是玩「食字」，有玩味、取巧的意思。
上網送 "「電影」門票" ，有誰敢拿？

人紅樣好

唔到你唔信，人紅，就會好樣咗。
唔計「人紅、整容、好樣咗」嗰一批，單是紅咗已經令唔少人愈來愈順眼。
近來的例子叫黎耀祥。
十幾年前他演罷「娛樂插班生」中的蘿記，當時如果有人讚他「有型、靚仔」，一定俾人「聲」兩把，然後報以恥笑。
但今時今日佢再扮蘿記，嘩，幾神，人人都讚佢多才多藝，網上 forum 仲有九百幾人讚佢演「社長」好 cool、好有型、好靚仔！
真係睇到 O 咀。
超媽話俾超人聽黎耀祥連 MJ 都扮到，好勁。
我同超媽講而家不知幾多人讚祥仔好樣，超媽話「係呀係呀，真係愈睇愈順眼……(下刪一百字)」。
所以啲人成日話：唓，呢個香港娛圈，一味講包裝，唔靚就有實力都冇運行。
實情係：總之紅得嘅個個你都會覺得靚，咁解之嘛。